AMEETHYST

Dost mera kuch aisa tha Uske paas bohat paisa tha Tha woh pagal pyar mein Na jane woh pyar kaisa tha Mujhse har pal yeh ketha tha Ke, uski yaadon mein woh rehta tha Kachha aashiq tha mera dost Uske inkaar ko sehta tha Mujhse gale lagake jab woh roya tha Mere dil ko usne bhigoya tha Khamoshi mein jab humne taare gine Chaand phalak pe soya tha Na usko dikhi woh mehbooba Na mujhko dikhi woh kaali raat Ashkon se jab mann nahaye Saala dost bhi bhai ban jaye!

Meri baaton pe hastey hain log, Kyunki hasana mera kaam hai! Waise to hazaaron dard sadh rahein hain seene mein, Par jo karta hoon, ussi ke liye joker mera naam hai! Mere chutkulon se darte hain log, Kyunki unke darr mein mera aaram hai! Waise to hazaaron sapne bekaar pade hain aankhon mein, Par jo karta hoon, ussi ke liye joker mera naam hai! Meri yaadon mein baste hain log, Kyunki tanha mera yeh jam hai! Waise to hazaaron pal jiye hain in lamhon mein, Par jo karta hoon, ussi ke liye joker mera naam hai!

Dil tha mera, tere liye khaali, Dhadkan bhi uski mehmaan thi Shayad darta tha main marne se, Kyunki kutta mera mann tha! Tere inkaar ko khamosh kar diya, Hua ehsaas tere jaane ka. Meri parchhai se duur tera darpan tha, Maine khudko dekha nahi, kyunki kutta mera mann tha! Apni zindagi ko kiya tere naam pe, Tune mujhe maut ka ghulam bana diya Jeb mein rumaal ke badle kafan tha, Pagal dil ro diya, kyunki kutta mera mann tha! Kho gaya tha main teri yaadon mein, Tham gaya tha un lamho mein, Sabse haseen hamara who milan tha, Bekar the who din, kyunki kutta mera mann tha!

Let me sleep in my grave Let me be a soulful slave I can’t see the sunshine upstairs I can’t feel my life anymore, Let me sleep a little more. Let me be an alien, Let me have no religion. I wanna evolve as a lucid dream I wanna embrace the ocean in the deep, It’s just a thought & let it be; let me sleep. Let me hold you in my arms, Let me lock your teardrop in my palms. I’ll see that you are smiling forever my love! No memories will make you weep, Don’t let me go, but just let me sleep… In your eyes, in your heart, let me sleep In your arms, in your lap, let my love creep! In your life, in your dreams, let me keep, All my love, all my songs yet to reap…

Kabhi na kabhi, insaaf zaroor milega Uthegi awaaz har naazuk zakhm se! Taraazu mein qaid jo sawaal hain, Unhe muh-tod jawaab milenge, kabhi na kabhi! Kabhi na kabhi, nazrein jhukengi shaitan ki, Hogi uske bhi rooh ko haiwaniyat ka ehsaas! Bazaar mein bik rahe hain jo yaadon ke laddu, Mithaas bharenge unme, kabhi na kabhi! Kabhi na kabhi, rang bolenge apni kahaani. Karenge shor apne bezubaan lafzon mein! Phir khilega jo indra-dhanush phalak pe, Raat ke andheron mein bhi ek subah hogi, KABHI NA KABHI!

Uff! Teri yeh bebas zulfein Kyon khole yeh naye andheron ko? Ek bar jo mudh ke dekh lo kisi ko… Ghayal kar de zaalim dheron ko! Rehti hai tu apne aap mein, Beghar karti hazaaron ko… Ek bar agar kisi ke dil mein bas jaye tu, Aankhon se anjaan karde nazaaron ko! Khamoshi teri kuch aise muskuraye, Tod de yeh azaad sitaaron ko… Ek lafz teri gar jo baras jaye, Sailaab mein bhi sukoon dikhe angaaron ko!